„Користење на вештачката интелигенција (AI) за унапредување на родовата еднаквост во академските истражувања“, спроведена од Институтот за родови студии при Филозофскиот факултет во Скопје. Главната цел на проектот е да се истражи и имплементира употребата на вештачката интелигенција во областа на родовата еднаквост во научното истражување.
Некои од целите на проектот вклучуваат:
- Испитување на потенцијалот и имплементацијата на AI ботови во областа на родовата еднаквост во научното истражување.
- Организирање и спроведување на онлајн обуки за родови прашања во научното истражување преку креирање и одржување на онлајн платформа поддржана од технологијата на вештачката интелигенција.
Проектот има за цел да креира онлајн платформа која ќе нуди:
- Пристап до информации и податоци за родовите прашања
- Обуки и едукативни ресурси поврзани со родовата еднаквост
Методологијата на истражување ќе вклучува преглед на постоечки истражувања и литература, систематска анализа и изработка на извештаи. Очекуваните резултати од проектот вклучуваат креирање и имплементирање на онлајн платформа за родови прашања и организирање на онлајн обуки за различни целни групи.
AI агентот кој разговара за сите теми од блогот е одличен додаток што го прави учењето интерактивно и пријатно. Содржината е длабока, интердисциплинарна и релевантна за современите предизвици.
За мене како студент на софтверско инженерство, особено ми беа интересни трудовите за родовата пристрасност во алгоритмите и историјата на жените во технологијата.
Ботот ми остави многу добар впечаток со начинот на кој комуницира и објаснува. Многу
ми се допаѓа тоа што не само што одговара на прашањата, туку и објаснува зошто е така,
што навистина помага полесно да се разбере темата, но и побрзо, без да мора да
поставуваш дополнителни прашања, пример за некои поими кои не ти се јасни.
Одговорите се убаво средени, јасни и чисти, а примерите кои ги додава ги прават
информациите уште поразбирливи. Посебно е корисен кога објаснува нешто потешко или
кога треба да се следат неколку чекори за да се разбере некој процес. Она што ми се
допаѓа е и тоа што ботот има пријателски и охрабрувачки тон. Комуникацијата е пријатна и
ми дава чувство дека имам некој што ме води низ материјалот. Понекогаш дури додава и
некој коментар што ја разубавува и развеселува интеракцијата. Овој пристап е супер за
учење, особено за почетници или демотивирани студенти или ученици, затоа што дава
чувство на сигурност и поддршка. Се гледа дека е внимателен и точен, бидејќи кога
објаснува, навлегува во деталите и обрнува внимание на секој дел. Единствена
забелешка е што понекогаш одговорите му се предолги и има повеќе детали отколку што
е потребно. Тоа знае да биде малку заморно ако само сакаш брз и краток одговор. Би
било подобро на почеток да има кратко резиме, а потоа подолу да ги објасни деталите за
оние што сакаат да научат повеќе. Во целина, ботот е јасен, детално објаснува и има
пријатен начин на комуникација.
Проектот обработува мошне актуелна и храбра тема, особено имајќи предвид колку родовата еднаквост сè уште се занемарува во академската заедница. Она што најмногу ми се допаѓа е што вештачката интелигенција не се гледа само како технолошка алатка, туку и како потенцијален сојузник во општествената трансформација. Креирањето на онлајн платформа е практичен и одржлив чекор, особено ако понудените ресурси бидат достапни и инклузивни. Особено е важно што преку платформата ќе се овозможи пристап до истражувања и обуки што директно го адресираат прашањето на родова нееднаквост во научните трудови. Обуките што ќе се спроведуваат може да имаат суштинско влијание врз младите истражувачи, поттикнувајќи ги да ја интегрираат родовата перспектива уште од самиот почеток на нивната академска кариера. Би било корисно во иднина да се разгледа и како AI може да се користи не само за анализа, туку и за детекција на несвесни пристрасности во академските институции и наставни програми.
Темата е многу актуелна и релевантна, особено во контекст на современите предизвици во дигиталната ера. Интеграцијата на ИКТ во социјалната работа и напорите за унапредување на родовата еднаквост претставуваат клучен чекор кон создавање подобро општество. Според мене, трудот ја обработува темата со солидна длабочина.
Проектот што го предлага Институтот за родови студии при Филозофскиот факултет во Скопје претставува значаен чекор кон поврзување на современите технологии со општествената потреба за родова еднаквост во академијата. Преку интеграција на алатки базирани на вештачка интелигенција, проектот отвора нови можности за анализа, едукација и подигање на свеста за родовата еднаквост во научниот контекст. Креирањето на онлајн платформа која нуди пристап до информации, едукативни ресурси и обуки е значаен чекор кон создавање инклузивна академска средина. Активностите се јасно дефинирани и реално изводливи, со фокус на практична примена и долгорочно влијание. Проектот има потенцијал да стане модел за слични иницијативи и на регионално ниво, а неговата интердисциплинарност претставува голема додадена вредност. Ја давам мојата целосна поддршка за неговото реализирање.
Проектов обработува исклучително актуелна тема – користењето на вештачка интелигенција како средство за унапредување на родовата еднаквост во научното истражување. Проектот има потенцијал да отвори нови начини на размислување и дејствување кога станува збор за интегрирање на родовата перспектива во академските истражувања.
Трудот отвора важно прашање за тоа како вештачката интелигенција може да послужи како алатка за постигнување родова еднаквост во академијата. Авторот успешно ги истражува и потенцијалите и ризиците на Вештачката интелигенција, при што дава урамнотежена перспектива. Содржината е релевантна и поттикнува критичко размислување за улогата на технологијата во обликување на пофер академска средина.
Ова е многу интересен и значаен проект кој покажува како вештачката интелигенција може да се примени за промовирање на родова еднаквост во академијата.Вештачката интелигенција може значително да помогне во унапредувањето на родовата еднаквост во академските истражувања преку автоматско откривање и анализа на родови пристрасности во научните трудови. Таа овозможува пристап до различни едукативни ресурси и обуки кои ја зголемуваат свеста за родовите прашања, прилагодувајќи ги содржините според потребите на корисниците за поефикасно учење. Иако AI носи голем потенцијал, важно е да се внимава на можноста за репродукција на постоечки предрасуди и да се обезбеди одговорна и етичка примена на овие технологии.
Ова е навистина интересен и корисен проект, кој комбинира технологија и општествена одговорност. Вештачката интелигенција има голем потенцијал да помогне во создавање поинклузивна академска средина, а онлајн платформата со обуки и ресурси е одличен чекор во таа насока. Добро е што проектот вклучува и детална анализа на постојните истражувања, што ќе овозможи појасна слика за состојбата и можните решенија. Ова може да биде вистински придонес кон подобрување на родовата еднаквост во научната заедница.