Оставете коментар, рецензија, забелшка за нашиот проект, веб страна или аи боти или агент.
AI Агент за блогот и коментарите. AIАгент за проверка на текстови
ФОРУМ
515 Comments
-
Кога за првпат ја отворив платформата, веднаш ми го привлече вниманието виртуелниот асистент РЕСИ – AI робот специјално дизајниран за теми поврзани со родовата еднаквост. Иако досега сум користел неколку различни AI алатки, ми се допадна што овој бот е фокусиран на една конкретна и важна општествена тема. Разговорот со РЕСИ се одвива лесно и природно, а одговорите што ги дава се содржајни и релевантни, што остава впечаток на внимателно дизајниран систем кој разбира и комплексни прашања.
-
Страницата ProGender ми остави добар впечаток – е лесна за користење, убаво изгледа и се занимава со важни теми како родова еднаквост и поддршка за ЛГБТКИ+ заедницата. Мисијата им е јасна и позитивна, а содржините се интересни и актуелни.Страницата ми помогна подобро да се информирам за ЛГБТ заедницата и ми помогна подобро да ги разберам мислењата и ставовите на луѓето кој се дел од неа, дури и мислам дека ми помогна да сменам одредени мислења. Би било уште подобро ако има повеќе едукативни материјали и начини корисниците да се вклучат во дискусии , на пример на форуми и слично.
-
Јас мислам дека темата „Со Вештачката интелигенција (AI) против дезинформации во областа на родовата еднаквост“ е многу актуелна и значајна. Вештачката интелигенција има огромен потенцијал да помогне во откривањето и спречувањето на дезинформации кои шират стереотипи и нееднаквости, особено во медиумите и на социјалните мрежи. Иако оваа технологија може да обезбеди брзи и ефикасни решенија, важно е да се имаат на ум предизвиците како пристрасноста во алгоритмите и заштитата на приватноста на податоците.
-
Лично, најмногу ми се допадна делот АИ Писменост како дел од оваа платформа која дава акцент на градење на свесноста за тоа како АИ влијае врз родовата еднаквост и на проширување на знаењата за двете области. Содржините се јасни и пристапни, со фокус на инклузија и критичко размислување. Особено е вреден меѓусекторскиот пристап, каде AI се поврзува со образование, медиуми и секојдневниот живот.
-
Како студент, наімногу ми се допага пристапот
на платформата кон едукативниот и истражувачкиот процес – не само што нуди технолошка поддршка, туку и поттикнува критичко размислуванье за родовата рамноправност. Дополнително, платформата содржи корисни ресурси и обуки што придонесуваат за прошируванье на знаеньата и
разво на истражувачките вештини.
Од друга страна, при користенье на платформата забележав дека е неопходна подобра транспарентност во однос на техничката поддршка и информации за авторството. Исто така, нејзината видливост и рангиранье на интернет е се уште ограничена, што може да влијае врз нејзината долгорочна
примена. -
Го разгледав веб-сајтот „Со Вештачката интелигенција (AI) против дезинформации во областа на родовата еднаквост“ и можам да кажам дека изгледа многу внимателно и добро осмислено. Веднаш ми остави впечаток сериозниот пристап кон темата и начинот на кој е организирана содржината. Се е прегледно, со јасна структура и визуелно добар дизајн.Иако не сум ги користела алатките во практика, ми се допадна идејата да се вклучат различни технологии за поддршка на критичко размислување и справување со родови стереотипи. Платформата има потенцијал да биде многу корисна, особено ако продолжи да се надградува со уште повеќе примери и нови можности.
-
Ја разгледав веб страницата “Со Вештачката интелигенција (AI) против дезинформации во областа на родовата еднаквост” и можам да кажам дека е моќна алатка за промовирање на родовата еднаквост. Со своите интелигентни агенти, таа не само што нуди проверливи информации и разоткрива лажни наративи, туку и активно ги образова корисниците за значајните родови прашања. Преку интерактивните функции, платформата создава можност за ангажирани дискусии и градење на критичка свест, покажувајќи како технологијата може да поттикне на позитивни општествени промени.
-
Ми се допаѓа тоа што блоговите постирани тука нудат едукативни содржини кои можат да ја зголемат свеста за ризиците на злоуботреба на вештачка интелегенција, како што се манипулирани видеа и лажна дигитална содржина. Тие имаат фокус на родовите и етичките аспекти и имаат потенцијал да ја намалат штетата и психолошкиот притисок кои што може да произлезе од злоуботребата на вакви алатки. Платформата охрабрува дигитална писменост и поголема емпатија во користењто на ваквиот вид на технологија.
-
Платформата посветена на родова еднаквост и вештачка интелигенција нуди богато и разновидно корисничко искуство. Интерфејсот е модерен, прегледен и лесен за навигација, што го прави достапен и разбирлив за поширока публика, вклучувајќи и студенти, истражувачи и наставници. Особено внимание привлекуваат AI алатките и моделите, за кои е обезбеден јасен и концизен опис – од функционалноста до начинот на примена и областите каде што можат да се користат. Овој пристап значително ја олеснува нивната употреба, дури и за корисници кои не се технички потковани. Дополнително, платформата изобилува со едукативни ресурси поврзани со вештачката интелигенција. Статиите опфаќаат теми како интеграцијата на AI во образованието, прашања за етика и инклузивност, како и анализа на родови прашања во дигиталниот свет. Извори од различни авторитети ја збогатуваат релевантноста и квалитетот на содржината. Во целина, оваа платформа претставува вреден дигитален простор кој го поттикнува критичкото размислување и информираноста за AI, при што ја нагласува важноста на родовата еднаквост во технолошкиот развој. Таа е одличен ресурс за оние кои сакаат да истражуваат, учат и користат вештачка интелигенција на одговорен и инклузивен начин.
-
Како студент сакам да изразам пофалба за иницијативата поврзана со родовата еднаквост и вештачката интелигенција. Платформата е јасна, визуелно пријатна и тематски навремена. Особено ми се допаѓа тоа што се отвора простор за дискусија за тоа како алгоритмите и АИ технологиите можат (свесно или несвесно) да ги рефлектираат и зајакнат родовите стереотипи. Овие теми ми се блиски и сметам дека вакви проекти се потребни за да се подигне свеста и критичкото размислување кај младите.
-
Јас како студент на додипломски студии и млад човек сметам дека темата”Со вештачката интелегиенција против дезинформации во областа на родовата еднаквост” е многу значајна.
Во денешно време се шират многу лажни информации,особено на социјалните мрежи па затоа е потребно да имаме нешто ќе ни помогне во нивно препознавање и спречување.Вештачката интелегенција би можела да помогне само доколку е правилно насочена и програмирана.
Исто така сметам дека вештачката интелегенција може да им помогне на луѓето да разликуват што е реално и вистинско, а што не. -
Уште во првиот момент кога ја отворив платформата, тоа што ми привлече најголемо внимание е AI роботот РЕСИ. До сега, имам користено различни чат-ботови за вештачка интелигенција, но ми се допаѓа идејата за постоење на бот кој е исклучиво наменет за дискусија на поспецифични општествени теми како родовата еднаквост. РЕСИ дава конкретни и јасни одговори за што и да му поставите прашање. Исто така, ги разгледав и блоговите во менито на главната страница, а особено ми се допадна блогот за примена на вештачката интелигенција во земјоделството. Примена на роботските технологии во земјоделството значително може да ја зголеми ефикасноста во одгледување на зеленчукот и да им ја олесни работата на работниците.
-
Ботот РЕСИ е еден од најинтересните и најкорисни делови од оваа страница. Доволно е да се напише прашање или клучен збор и тој ВЕДНАШ нуди одговори или насочува кон соодветни ресурси на страницата што многу ми се допадна. Сметам дека ваквиот начин на учење би бил поинтересен и покорисен за многу луѓе, не само студенти, посебно за вакви теми за кои не се зборува доволно. Разговорот со AI бот се повеќе и повеќе станува актуелно, па ова би било супер начин да се поттикне свеста на луѓето за вакви теми. Во свет каде што почнува и да се злоупотребува вештачката интелигенција, РЕСИ претставува добар пример за корисна примена на вештачка интелигенција во поддршка на теми како родовата еднаквост и социјална инклузија.
-
AI ботот РЕСИ е многу корисна и интересна алатка за продлабочување на знаењата за родова еднаквост и социјална инклузија. Ми се допаѓа тоа што ботот брзо одговара на поставените прашања, со јасни и разбирливи одговори. Поттикнува размислување преку дополнителни прашања и нуди најразлични линкови како препораки. Веб страната има лесен и интуитивен кориснички интерфејс. Единствената забелешка која ја имам е дека полето за поставување прашања треба да биде достапно веднаш по отворањето на страницата, а не по кликнување на некој од линковите, за да се олесни користењето на платформата.
-
Платформата „Со Вештачката интелигенција (AI) против дезинформации во областа на родовата еднаквост“ претставува современ пристап кон една од најчувствителните општествени теми денес – родовата еднаквост. Со интеграција на неколку напредни AI алатки, меѓу кои се и Етичкиот Аналитичар, Родовиот Едукатор и GenderAI, веб-страницата овозможува лесен пристап до ресурси што поддржуваат критичка анализа, едукација и идентификација на пристрасна или проблематична содржина.
Дизајнот е јасен и прилагоден за широка публика, овозможувајќи интуитивна навигација и интеракција уште од самиот почеток. Поддршката за повеќе јазици и опцијата за прикачување документи и слики ја прави оваа алатка погодна за употреба во различни контексти – од академски истражувања до медиумска анализа.
Според впечатоците од корисниците, платформата успешно поттикнува размислување и активно се справува со дезинформации поврзани со родови прашања. Сепак, за понатамошно подобрување, би било корисно да се вклучат и реални сценарија или конкретни примери од секојдневието, кои би ја демонстрирале примената на алатките во практични ситуации. -
Го разгледав проектот ,,Користење на AI за унапредување на родовата еднаквост во академските истражувања” и ми остави доста добар впечаток, пред се затоа тоа што главната идеја е да се искористат нови технологии и да се даде предност на жените т.е да бидат рангирани на подобра позиција.
Исто така многу добро е тоа што секој кој што сака да се едуцира и научи нешто повеќе за родовата еднаквост во науката ќе може да го направи тоа на многу лесен начин и да пристапи до ресурсите во било кое време без разлика каде се наоѓа. Платформата е доста едноставна за користење. Ми се допадна и тоа што не се размислува само на опцијата како да се едуцираме денес туку и како AI може да помогне во иднина. Овој проект укажува на тоа дека технологијата може да се користи и за решавање општествени проблеми, односно преку ваквите технолошки решенија би придонеле за пофер и рамноправно општество за сите. -
Мојата рецензија е за ботот за родова еднаквост и ЛГБТКИ+ права.
Чат-ботот има и силни страни, но и слабости кои би можеле да се подобрат.
Едeн од позитивните аспекти на ботот е што нуди детален и добро структуриран одговор на секое прашање. Одговорите се поткрепени со меѓународни документи, што покажува користење реномирани извори и релевантни правни рамки, како и дека е дизајниран да овозможи едукативен пристап наместо субјективни мислења.
Друг позитивен аспект е што без разлика на темата или потенцијалната контраверзност на прашањата, ботот одговара со смирен, неутрален и професионален тон. Не реагира емотивно, туку користи факти и логика за да одговори на негативните ставови и често ја нагласува важноста на емпатијата, инклузивноста и почитувањето на човековите права.
Еден негативен аспект е недостатокот на интерактивност и персонализација. Одговорите често звучат како однапред подготвени есеи. Исто, кога одговара на прашања како „Дали трансродовите жени треба да имаат пристап до женски простории?“, чат-ботот користи стандарден, но малку премногу дипломатски одговор. Иако ова е разбирливо за да се избегнат конфликти, можеби би било подобро да понуди и примери од реални политики и истражувања што ја поддржуваат оваа позиција. Ботот главно дава информации, но не поставува прашања за да ги поттикне корисниците да размислуваат подлабоко. На пример, ако некој изрази негативен став кон ЛГБТКИ+ заедницата, наместо само да даде образовен одговор, чат-ботот може да постави прашање што ќе го насочи корисникот кон преиспитување на сопствениот став. Исто, ботот има тенденција да ги повторува истите одговори повеќепати во дијалогот, што може да биде фрустрирачки, особено ако имаат веќе добиено слични одговори од претходните прашања.
Сепак, во целина, ботот е одлична алатка која верувам дека помага во распорстранување на точни информации за ЛГБТКИ+ правата и родовата еднаквост. -
Ги користев AI агентите Етички Аналитичар и ИнфоТрак од веб-страницата Со Вештачката интелигенција (AI) против дезинформации во областа на родовата еднаквост и бев импресионирана од нивната прецизност и начинот на објаснување. Етички Аналитичар ми помогна да согледам како некои изјави, иако на прв поглед не изгледаат проблематично, сепак носат скриени облици на говор на омраза или етички спорни пораки. ИнфоТрак, од друга страна, ми послужи како сигурен извор при разграничување на вистините од манипулативните тврдења. Овие алатки ми покажаа колку е важно да бидеме внимателни со содржините што ги читаме и споделуваме. И двете ми го олеснија процесот на критичко размислување. Верувам дека вакви решенија се клучни во борбата со дезинформациите и со сигурност ќе им се навраќам и во иднина.
-
Платформата РЕСИ е одличен пример за тоа како дигиталните технологии и вештачката интелигенција можат да се искористат за добро во многу сфери. Нејзината мисија и функционалност се во целосна согласност со вредностите на современото образование, а нејзината примена има потенцијал да влијае позитивно врз академската трансформација. Ја препорачувам платформата на сите студенти кои се заинтересирани за родови прашања, иновации и општествена одговорност. За студентите како нас, ова претставува извонредна можност да се стекнаеме со знаења и алатки кои не се застапени доволно во традиционалното образование. Како студент на Е-бизнис сметам дека платформата сè уште нема доволна видливост во академската и јавната сфера, бидејќи се работи за општествено релевантна тема, потребно е поагресивно промовирање, особено на каналите каде што младите најмногу се информираат, пр. Facebook, Instagram, TikTok, YouTube и сл.
-
Како студент, навистина ме заинтересира Платформата за родова еднаквост и вештачка интелигенција! Од самиот почеток, ми се допадна идејата што некој сериозно се занимава со тоа како ВИ може да се искористи за општествен развој – борба против говор на омраза, дезинформации и промоција на родова еднаквост.
Етичкиот Аналитичар веднаш ја менува нашата перцепција на работите препознавајќи текст што на прв поглед изгледа неутрален, а всушност содржи суптилна пристрасност или говор на омраза. Благодарение на Родовиот Едукатор невидливите предрасуди во медиумите и технологијата почнуваме да ги забележуваме насекаде. Од друга страна, ВИ Читанката е совршен начин да сфатиме како алгоритмите донесуваат одлуки и зошто понекогаш грешат!
Платформата има елегантен дизајн што овозможува лесна навигација, без непотребно пребарување низ менија, а смирената визуелна естетика ја прави секоја интеракција фокусирана на содржината. Ако се воведе англиска верзија и се додадат дополнителни аудиовизуелни елементи за оние кои претпочитаат визуелно учење, оваа платформа би можела да допре до уште поширока публика и на меѓународно ниво. -
Како студент на сајбер безбедност, ми беше интересно да видам како темата за вештачка интелигенција се поврзува со родова еднаквост и правата на ЛГБТКИ+ заедницата. Блогот убаво објаснува дека технологијата не е секогаш неутрална – алгоритмите можат да имаат вградени предрасуди ако не се внимава. Посебно ми се допадна делот каде се зборува за потребата од инклузивен пристап при креирање на AI-системи.
Тоа е важно и во областа на сајбер безбедност, каде што често зборуваме за етичка употреба на технологија и заштита на ранливи групи. Ме потсети дека технологијата треба да им служи на сите, а не само на еднаквите по “стандард”. Мислам дека блогот отвора важни прашања и би било добро да има повеќе вакви примери и текстови што ја спојуваат технологијата со општествената одговорност. -
Го имам пробано AI агентот за РЕСИ кој според мене претставува одлична алатка за секој што посакува да знае повеќе за теми поврзани со родовата еднаквост. Според мене развивањето на ваквите алатки е од суштинска важност во 21-oт век. Спојот на вештачката интелегенција со родовата еднаквост ми беше баш интересен. Како студент од електро можам да предложам малку да се зголеми човечкиот тон на агентот, бидејќи темите поврзани со родовата еднаквост се особено сензитивни.
-
Користењето на вештачката интелигенција на сите ни станува секојдневие, оваа платформа е одлична за да се добијат податални информации за нејзината употреба и да се развие свеста за нејзиното влијание. Сметам дека родовата еднаквост е важна тема на денешницата, па ботот РЕСИ ми го привлече вниманието веднаш, многу ми се допадна што се добиваат детални податоци и е од голема помош за едукација на истата тема. Иако денес лесниот пристап до вештачката интелигенција се злоупотребува, сепак мислам дека е алатка која што значително може да ги прошири нашите знаења.
-
Од понудените веб-страници на Платформата за вештачка интелигенција и родова еднаквост најмногу ми се допадна онаа на РЕСИ(Рамка за родова еднаквост и социјална инклузија). Кога комуницирав со четботот создаден за оваа алатка, позитивен впечаток ми остави неговата брза реакција на поставените прашања. Одговорот пристигна скоро инстантно. Текот на одговорот е јасен и детален. Дополнително, на крајот од одговорот беа понудени корисни сугестии за понатамошна комуникација.
Сепак, забележав мал недостаток кога попставив прашање кое претпоставувам дека не му беше познато. Времето на чекање за одговор беше подолго од очекуваното (помеѓу една и две минути). Не ми пречеше чекањето бидејќи одговорот беше концизен и сеопфатен. Вкупниот впечаток за овој четбот е многу позитивен, и со задоволство би продолжила да го користам и во иднина. -
Го испробав агентот AI за родовата еднаквост и ЛГБТКИ+ права и сум задоволен со тоа што тој дава прецизни но објективни одговори нема наклонетост кон еден или друг субјект кој што можи да го манипулира мислењето на индивидуата кој што ја користи алатката. Го испрашав за прашања надвор од темата и одговори искрено дека нема овластување за да сподели информации на теми на кој што не бил трениран. Тоа ми дава до знаење дека е креиран да е што е можно попрецизен и специјализиран инструмент за еодовата еднаквост на ЛГБТКИ+ правата. Лесен е за употреба, дава сугестии каде што можиме да истражиме дополнителни информации и најважно од се јас не гледам причина ова да е малциозна направа туку баш напротив ова е еден унапреден помошник во нашето доедуцирање и разбирање во сверата која што е родовата еднаквост.
-
Ова платформа е една иновативна алатка полна со корисни информации. Одлично е организирана и лесна за користење. Ме изненади тоа што лесно може да се пристапи до разни информации кои се фокусирани на важни аспекти поврзани со вештачката интелигенција и нејзиниот ефект. Ова платформа е една од ретките кои можат да ја подигнат свеста на луѓето за технологијата и важни социјални прашања и да потикне размена на мислења а воедно и да го олесни процесот на учење. Платформата е важен ресурс за сите оние кои сакаат да се информираат и да го прошират своето знаење.
-
Како студент на Е-бизнис, многу ми се допадна четботот РЕСИ. Особено ми остави впечаток начинот на кој одговара на поставени прашања, но и тоа што понатаму предлага дополнителни прашања кои го водат разговорот подлабоко во темата. Тоа ми помогна не само да добијам одговор, туку и да размислувам пошироко за темата за која разговаравме. Ми се допаѓа идејата да постои четбот насочен кон конкретна област, во случајов родова еднаквост, и сметам дека ваков пристап би бил од голема корист и во други области. Како студент по е-бизнис, гледам колку е важно да се развиваат вакви дигитални алатки што можат да го олеснат процесот на учење и истражување. Би било одлично доколку и други институции или факултети преземат слични иницијативи. Единствена забелешка ми е дека разговорот со четботот понекогаш делуваше премногу технички и механички – особено ако се земе предвид дека станува збор за општествени теми. Би било уште подобро доколку комуникацијата биде поблиска до вистински дијалог со човек, слично на искуството што го имаме со некои други AI четботови. Сепак, сметам дека ова е одличен почеток и чекор напред во создавањето алатки што можат реално да им помогнат на студентите.
-
На платформата за вештачка интелигенција и родова еднаквост ми се допадна темата „Користење на вештачка интелигенција за унапредување на родовата еднаквост во академските истражувања“. Верувам дека ако правилно се користи, вештачката интелигенција може да помогне да има повеќе еднаквост меѓу мажите и жените во науката и истражувањето на различни полиња. Со помош на овие технологии може да се открие дали жените се помалку застапени, дали нивните трудови се помалку цитирани или добиваат помалку поддршка. Секако, важно е овие алатки да се користат внимателно, за да не се направи уште поголема неправда. Но ако се користи правилно, вештачката интелегенција може да биде корисна алатка за порамноправна наука, особено кога се во прашање академските истражувања и нивното унапредување.
-
На платформата најголемо внимание ми привлече примена на Вештачката интелигенција (AI) во борбата против дезинформации во областа на родовата еднаквост затоа што во денешно време со самиот пристап до огромен број податоци често се среќаваме со многу дезинформации. Може да се случи и да не препознаеме дека дадена информација е лажна поради тоа што нејзината содржина изгледа вистинита и привлечна.
Ги тестирав прикажаните четботови, и сите тие веднаш обезбедуваат јасни, конкретни и прецизни повратни одговори.
Родовиот едукатор е агент со вештачка интелигенција создаден за да го зголеми знаењето и свеста за ЛГБТКИ+ правата, феминизмот, родовата еднаквост и родовите стереотипи.
AI Chatbook промовира критичко размислување за родовата еднаквост, говор на омраза, етика, дискриминација и човекови права. Поттикнува дијалог, охрабрува мислења и дава насоки. Тој служи како етички водич и алатка за дигитална писменост.
Етичкиот аналитичар препознава говор на омраза, манипулации и дискриминаторски ставови, објаснува зошто овие елементи се етички неприфатливи и информира за нивните последици. Со промовирањето етички и инклузивен дијалог оваа алатка ја подига свеста за говорот на омраза како и скриената манипулација.
ИнфоТрак нуди сигурен и интуитивен начин за препознавање и проценка на лажни информации, особено оние кои се поврзани со родовите прашања.
Особено ми се допаѓа тоа што даваат препораки за прашања, извори на одговори и дополнителни ресурси за пребарување. Сметам дека овие четботови се многу корисни и можат многу да помогнат со справувањето со дезинформациите во областа родовата еднаквост. -
Го испробав AI агентот за РЕСИ и мислам дека е одлична алатка некој да се запознае со родова еднаквост како и за добивање конкретни информации и ресурси. Ми се допаѓа како дава дополнителни ресурси за да можеш сам дополнително да истражуваш за нешто, а и предложува прашања за продлабочување на дискусијата. Исто така, ми се допаѓа како аргументите ги поддржува со факти и статистики. Но, од друга страна, кога станува збор за дискутирање или разменивање идеи конкретно за вакви теми сметам дека не е баш најсоодветно да се “дискутира” со AI, бидејќи сепак станува збор за тема за човечност, а AI не е баш нели, човек. Но сепак сметам дека е добар прв чекор.
Leave a Reply